விபரீத ராஜ யோகம்

யோகம் என்பது ஒரு வித நன்மைக்கான அறிகுறி. கிரகங்களின் மூலமாக மனிதர்கள் பெறக்கூடியது. யோகம் என்பதை ஆழ்ந்து பார்த்தால் யோகம் என்ற வார்த்தைக்கு முன்னால் வரும் வார்த்தையை வைத்துத்தான் அதனைக் கூற முடியும்.

யோகம் என்றாலே நன்மைதான் என்று மட்டும் சொல்லிவிட முடியாது. அதாவது தரித்தர யோகம் என்று கூட ஒன்று உள்ளது. ராஜ யோகம் என்று சொல்லும்போது பலர் வணங்கக் கூடிய மாமனிதனாவான் என்று சொல்வார்கள்

ராஜ யோகம் என்பது எதிர்பார்ப்பதை விட அதிகமான நன்மை கிடைப்பதுதான் ஆகும். நாம் அந்த அளவிற்கு எதிர்பார்த்திருக்கவே மாட்டோம். அது கிட்டினால் அதை ராஜ யோகம் என்று சொல்லலாம்.

6 க்கு உரியவன் 8ல் இருந்தால், 8க்கு உரியவன் 12ல் இருந்தால் அல்லது 8,12 க்குறியவர்கள் 6-ல் இருந்தால் இதெல்லாம் விபரீத ராஜ யோகம். அதாவது “கெட்டவன் கெட்டிடின் கிட்டிடும் ராஜ யோகம்” என்று ஒரு வாக்கு உண்டு.

கெட்ட வீட்டிற்குரிய ஒரு கிரகம், மற்றொரு கெட்ட வீட்டில் போய் அமர்ந்தால் விபரீத ராஜ யோகத்தை உண்டாக்கும். அதாவது மைனஸ் x மைனஸ் = பிளஸ் என்பது போன்றது.

சில நேரங்களில் திறமையே இல்லாதவர்களுக்கு செல்வம் கிடைப்பதும்,உழைக்காதவர்கள் கோடிஸ்வரர்கள் ஆவதும்,நடிக்க தெரியாதவர்கள் கூட பெரிய நடிகர்கள் ஆவதும்,குடிசையில் இருப்பவர் நாட்டை ஆள்பவராக மாறுவதும் இந்த யோகத்தால்தான்.